1. Zer da sarrera-azterketa?
Mailaketa proba bat da, eta honetarako egiten dugu: irakastordu barneko euskalduntze-ikastaroetako ikasketari-nahiek zer euskara-maila duten ahalik eta zehatzen jakiteko.
2. Egin behar dut sarrera-azterketarik?
2019-2020 ikasturteko txandaren batean irakastordu barneko 3000 edo 5000 euskalduntze- ikastaroren batean parte hartu nahi baduzu, bai. Gainera, aurreko ikasturteren batean sarrera-azterketa gainditu arren, berriro egin behar duzu sarrera-azterketa halako ikastaro batean parte hartzeko.
Maila bat gainditu, eta, urtealdi bat baino gehiago ikastetxean eman ondoren berriro IRALEra etorri eta hurrengo maila egin nahi badu norbaitek, sarrera-azterketa egin beharko du.
3. 2018-2019 ikasturtean, 4000 ikastaroa egin dut. Datorren ikasturteari begira, berriro egin beharko dut sarrera-azterketa?
Ez, aurreko ikasturtean liberaturik egon zarenez, ez duzu berriro sarrera-azterketarik egin behar. Era berean, 5000 ikastaroa egin baduzu, ez duzu sarrera-azterketarik egin behar.
4. Noiz eta non egingo da sarrera-azterketa?
| DATA | ORDUA | TOKIA | HELBIDEA |
| U2 ikastaroa egiteko: 2019/05/14 3000 edo 5000 ikastaroak egiteko: 2019/09/12 | 16:00 | BILBO | Dolaretxeko IRALE Dolaretxea auzoa, 9. txaleta |
| DONOSTIA | Donostiako IRALE Larratxo pasealekua, 51-53 | ||
| GASTEIZ | Gasteizko IRALE Habana kalea, z/g |
5. Nahi dudan lurraldean egin dezaket sarrera-azterketa?
Ez, lanean ari zaren ikastetxea kokatuta dagoen lurraldean egin behar duzu azterketa. Esate baterako, Gipuzkoan bizi arren, lanean Arabako ikastetxe batean ari bazara, Gasteizko IRALEn egin beharko duzu sarrera-azterketa.
6. Nolakoa da sarrera-azterketa?
Ikusi taula:
| ATALAK | PROBA | DENBORA |
| Idatzia | Testa (aukera askotariko galdetegia) eta idazlana |
1 ordu eta erdi |
| Ahozkoa | Argazkiak ikusita, 8-10 minutuko solasaldia aztertzailearekin |
7. Noiz jakingo ditut sarrera-azterketaren emaitzak?
| IKASTAROA | DATA | TOKIA | ERREKLAMAZIOA |
| U2 |
2019/05/21
|
Lurralde Ordezkaritzako iragarki-taula |
Lurralde Ordezkaritzan, IRALEren ikasketaburuari zuzenduta |
| 3000 edo 5000 | 2019/09/20 | Lurralde Ordezkaritzako iragarki-taula www.hezkuntza.ejgv.euskadi.net | Lurralde Ordezkaritzan, IRALEren ikasketaburuari zuzenduta |
8. Sarrera-azterketa gainditu dut. Horrek liberazioa lortu dudala esan nahi du?
Ez derrigorrean. Izan ere, liberazio kopurua zehaztuta dago, eta, gainera, ikastetxeetako ordezkotzak bermatu egin behar dira; beraz, liberazioa lortzeko bi aldagai hauek izaten dira kontuan: tokirik izatea eta ordezkotzak bermatuta egotea. Liberazioen gaineko informazioa epeka agertzen da; ikusi Aurkezpen-txosteneko “Ikasketarien onarpena” atala.
9. Derrigorrean bete behar dut sarrera-azterketan adierazitako maila?
Hasteko, zure ardura da ikastaroa hasi bitartean adierazitako maila horri eustea. Hala ere, ikastaroaren hasieran, erakutsitako mailari dagokizun ikastaroan kokatuko zaitugu: 4000 edo 5000 ikastaroan. Halako kasuetarako ezarrita daukagun prozedura hau da: irakasle-taldeak ikasketari-nahia mailaz aldatzeko proposamena egiten du, eta ikasketari-nahiak ados dagoela adierazi behar izaten du idatziz. Dena dela, gai horren gaineko azken erabakia zuzendaritza-taldearen esku egoten da.
10. Eskatu ez dudan beste ikastaro baten kokatzen banaute, horrek izango du eraginik niri dagozkidan administrazio-kontuetan (txanda kopurua, txanda ezabatzeko baldintzak...)?
Ez, maila dela eta beste ikastaro baten kokatzen bazaituzte, horrek ez du izango eraginik dagozkizun administrazio-baldintzetan, ez txanda kopuruan, ez bestelako administrazio-kontuetan.